BIRO YA BOTLHANKEDI
Biro ya Botlhankedi e ikarabelela kwadiso ya dikemedi tsa tlhankelo jaaka sekano, dibetšhe le dikano tse dingwe jaaka difolaga, dikano, dimmetale le maina a diyunifomo tsa mekgatlho le ditheo. Ditiro tsa Biro ya Botlhankedi jaaka di tlhalosiwa mo go karolo 3 ya Molao wa Botlhankedi, 1962(Molao No. 18 wa 1962), ke go -
Amogela le go sekaseka dikopo tsa kwadiso ya, le dikemokgatlhanong le kwadiso kana phimolo ya dikemedi tsa tlhankelo, maina, maina a a kgethegileng kana diyunifomo;
Tshola rejisetara le dikwalo di bolokegile go ya ka Molao;
Ntsha disetifikeiti tsa kwadiso ya dikemedi tsa tlhankelo, maina, maina a a kgethegileng le yunifomo;
Neela kgakololo, ka moo go ka kgonegang, malebana le dikemedi tsa tlhankelo, maina, maina a a kgethegileng le diyunifomo, le go neelana ka thuso ka thulaganyo ya dikemedi tsa tlhankelo le diyunifomo;
Diragatsa ditiro tse dingwe tse di jalo jaaka di ka abelwa go yona ke Tona, khansele ya Botlhankedi kana komiti ya Botlhankedi go ya ka Molao.
Mo godimo le go feta seabe sa tirokgolo ya botlhankedi, Biro ka Lenaneo la Tswelontle e ikarabelela go tumisa Matshwao a Bosetšhaba, go tlwaetsa matshwao a Tlhankelo go nna a Aforika ka patlisiso, le tshireletso ya Matshwao a Bosetšhaba jaaka thoto e e botlhale ya Naga. Dikatlego tsa Biro ya Botlhankedi di a bonala kwa tsweletsong e e atlegileng le kabo ya dithulaganyo tsa Bosetšhaba tse di ntšhwa; Folaga ya Bosetšhaba e ntšhwa, Sekano le Pina e e kopanetsweng.
PHITLHELELO LE TIRISO
Maikaelelo a go boloka diakhaefe ke go tlhomamisa phitlhelelo ya direkoto tse di leng tsa kgale go feta dingwaga tse di masomaamabedi mo setšhabeng. Tirelo ya Diakhaefe tsa Bosetšhaba le Direkoto e buletswe setšhaba go tloga Mosupologo go fitlha Labotlhano go tloga 8:00 - 16:00, le ka Lamatlhatso wa boraro wa kgwedi nngwe le nngwe go tloga 09:00 - 13:00.
Dintlha tsa kgolagano: Go botsa go ya pele golagana le Diakhaefe tsa Bosetšhaba mo go:
Mogala: 27 12 323 5300
Fekese: 27 12 323 5287
TIRELO YA DIAKHAEFE TSA BOSETŠHABA LE DIREKOTO YA AFORIKA BORWA
BIRO YA BOTLHANKEDI
LEMORAGO
Diakhaefe tsa Bosetšhaba tsa Aforika Borwa di ne tsa tlhomiwa ka kitsiso ya Molao wa Diakhaefe tsa Bosetšhaba wa Aforika Borwa (Molao No. 43 wa 1996) jaaka o tlhabolotswe. Karolwana e ya peomolao e fetotse Tirelo ya Maloba ya Diakhaefe tsa Naga go nna Diakhaefe tsa Bosetšhaba tse maikemisetso; ditiro le kagego tsa tsona di bontshang thulaganyo e e fetileng polotiki ya tlhaolele.
DITIRO TSA DIAKHAEFE TSA BOSETŠHABA
Diakhaefe tsa Bosetšhaba di ikarabelela patlo, polokego le go godisa tiriso ya direkoto tsa setšhaba le tse e seng tsa setšhaba ka boleng bo bo tswelelang; tshegetso ya mokgwa wa bosetšhaba wa go bona gape tshedimosetso ya boakhaefe e e itirisang, maemo a go tshegetsa ditirelo tsa porofense tsa diakhaefe. Diakhaefe di bopa karolo ya botlhokwa ya ngwaoboswa ya bosetšhaba mme ke mokgwa wa go oketsa boitshupo jwa bosetšhaba, kago ya setšhaba le maatlafatso.
Diakhaefe gape ke kanala e kgolo e ka yona mebuso e ka bonwang e le maikarabelo kwa bathong. Ka phitlhelelo e e tokafaditsweng ya batho go ya diakhaefeng, dikgato tsa mmuso di a bonala. Ka go tshwana, diakhaefe di tshotse bopaki jwa buka bo bo tlhokegang go sireletsa baagi ka nosi le ditlhopha.
Karolo ya botlhokwa ya Diakhaefe tsa Bosetshaba ga e bontshe maitemogelo a bontsi jwa batho ba Aforika Borwa.
sekao. MaAforika Borwa ao a a ntseng a ikgatholositswe ke tlhaolele, basadi jj.. Diakhaefe tsa Bosetšhaba di simolotse mananeo a le mmalwa a ditiragalo tsa tiromolomo go kwala le go boloka maitemogelo a tlwaelo a batho mme ka jalo di tsaya karolo mo tiregong ya go bopa dikgopolo tse di kgobokantsweng tsa batho ba mefutafuta ba Aforika Borwa.
Diakhaefe tsa Bosetšhaba tsa Filimi, Bedio le Modumo (NFVSA) ke bokaedi tlaleletso jwa Diakhaefe tsa Bosetšhaba. Taolelo ya NFVSA ke go kgobokanya, go boloka le go godisa dimatheriale tsa kutlo pono tse di tlhagisiwang mo le ka Aforika Borwa. Molao wa Peeletso wa Semolao (No. 54 wa 1997) o supa NFVSA jaaka lefelo la peeletso ya matheriale wa kutlo pono le le tlhagisitsweng mo Aforika Borwa.
Diakhaefe tsa Bosetšhaba di tshola direjisetara tsa bosetšhaba tsa direkoto tse e seng tsa setšhaba ka boleng jwa boakhaefe. Mo tlaleletsong di godisa tirisanommogo le thulaganyo magareng ga ditheo tse di amegang mo kgobokanyong le polokegong ya direkoto tse e seng tsa setšhaba.
Ka lenaneo la Tswelontle, Diakhaefe tsa Bosetšhaba di ikaelela go fitlhelela maloko a setšhaba a a sa itseng ka go nna teng ga diakhaefe kana ditiro. Tebo ya lenaneo le ke go oketsa tiriso ya diakhaefe ka go "isa diakhaefe kwa bathong" ka diketelo kwa ditheong tsa thuto le baagi mo Aforika Borwa le ka dipontsho, malatsi a pulo le tsamaiso ya tirelo e e nonofileng.
Diakhaefe tsa Bosetšhaba di tlhola le go tshola mokgwa wa tshedimosetso-phetogo o o dirang o o tla godisang phitlhelelo kwa tshedimosetsong go tlamela ditlhokego tsa tshedimosetso tsa mefutafuta go tshegetsa tsweletso ya baagi ka botlalo.
Mokgwa wa bosetšhaba wa tshedimosetso-phetogo mo Aforika Borwa o tshotse mefuta e e farologaneng ya dilaeborari le mekgatlho e mengwe ya tshedimosetso. Diakhaefe tsa Bosetšhaba gape di amana le Khansele ya Laeborari ya Bosetšhaba le Ditirelo tsa Tshedimosetso (NCLIS), Laeborari ya Bosetšhaba ya Aforika Borwa (NLSA), Laeborari ya Aforika Borwa ya Difofu (BLINDLIB), dilaeborari tseo tse di dirang jaaka mafelo a peeletso ya semolao, le Mokgatlho wa Aforika Borwa wa Badiri ba Difofu (SABWO). Tikatikwe ya Buka ke Yuniti ya moitseanape ka fa gare ga NLSA e e godisang thutego le mowa wa go buisa
Melao e e laolang ditiro tse tsa Diakhaefe tsa Bosetšhaba ke Molao wa Khansele ya Bosetšhaba ya Laeborari le Khansele ya Ditirelo tsa Tshedimosetso, 2001; Molao wa Bosetšhaba wa Laeborari wa Aforika Borwa, 1998; Molao wa Laeborari ya Aforika Borwa ya Difofu, 1998; le Molao wa Semolao wa Peeletso, 1997.
Molao wa Peeletso ya Semolao o tlhomamisa gore khophi e le nngwe ya tokomane nngwe le nngwe e e phasaladitsweng mo Aforika Borwa e romelwa kwa ntle ga tuelo kwa dipeeletsong go ralala naga. Ka Molao o, ngwaoboswa e e kwadilweng ya Aforika Borwa e a bolokiwa le go rebolelwa setšhaba.
